2100 ல் உலகம் எப்படி இருக்கும்

2100 ல் உலகம் எப்படி இருக்கும்.

Thought Curtesy (கருத்து / எண்ணம்): Pottai Crossy https://www.facebook.com/pottai.crossy

விஞ்ஞானமும் அறிவியலும் முழுதும் வளர்ந்த காலம். அதுக்கு ஏத்த மாறி பெண்களும் எல்லா துறையிலும் வளர்ந்து முன்னேற்றம் மட்டும் அடையவில்லை. முழுமையாய் அனைத்து துறைகளையும் ஆக்கிரமித்து விட்டனர். எந்த துறையை எடுத்தாலும் பெண்கள் மட்டும் தான்.

ஆண்களிடம் இருந்து அனைத்தையும் பறித்த பெண்கள் ஆண்களுக்கென்று விட்டு வைத்தது புடவையும் வீட்டு அடுப்பங்கரையும்.

ஏன்னா அந்த இரண்டும் பெண்களுக்கு தேவை இல்லை.

வேலைக்கு செல்லும் பெண்களுக்கு ஏற்ற உடையாய் பேண்ட் சர்ட்டும் ஜீன்ஸ் டீ சர்ட்டும் மாறிவிட்டது. வெளியே வேலைக்கு செல்வதால் வீட்டில் அடுப்பங்கரை இருந்த இடத்தையே பெண்கள் மறந்து விட்டனர்.

இதை காரணமாய் வைத்து பெண்களோடு போட்டி போட்டு ஜெயிக்க முடியாத ஆண்கள் பெண்களே இல்லாத துறையில் சென்று வெற்றி பெற நினைத்து கையில் எடுத்த ஆயுதம் தான் வீட்டு அடுப்பங்கரை.

மனைவிக்கு வயிறு நிறைய வாய்க்கு ருசியா சமைத்து போட்டு மனைவியிடம் பாராட்டு வேறு வாங்கிய பிறகு சமையல் வேலை வீட்டு வேலை என் அனைத்திலும் தாங்கள் கில்லாடி என பேர் வாங்கி காலப்போக்கில் அவர்கள் மனதிலே தங்களுக்கு தெரிந்தது சமையல் வேலை தான் என்று அவர்கள் மனமே ஒத்துக்கொள்ள ஆரம்பித்து விட்டது.

மனைவி காலை எழும்பி வேலைக்கு செல்வதால் அவளுக்கு முன்னரே எழும்பி அனைத்து வேலைகளையும் முடித்து மாலை வீடு வரும் வரை தொடர்ந்து சமையல் வேலை வீட்டு வேலை என காலத்துக்கும் அடுப்பங்கரை சுற்றியே தங்கள் நேரத்தையும் காலத்தையும் செலவழிக்க ஆரம்பித்தனர்.

அதற்கு அவர்களுக்கு ஏற்ற உடையாக புடவையும் நைட்டியும் கச்சிதமாய் பொருந்தி போனது.

Picture Courtesy: https://www.facebook.com/adithya.sana.121